کرکٹ ورلڈ کپ لیگ 2: نیدرلینڈز نے امریکا کو 19 رنز سے شکست دے دی

دی ہیگ: آئی سی سی کرکٹ ورلڈ کپ لیگ 2 میں نیدرلینڈز نے امریکا کو 19 رنز سے شکست دے دی۔

دی ہیگ میں کھیلے گئے ایونٹ کے 21 ویں میچ میں امریکا کی ٹیم 238 رنز کے تعاقب میں مقررہ 50 ویں اوور 218رنز بنا کر آؤٹ ہوگئی۔

امریکا کی جانب سے مِلند کمار 69 رنز بنا کر نمایاں رہے۔ایرون جونز 47، سمیت پٹیل 38، شیڈلے وین شالکویک 21، شایان جہانگیر 20، نُستھوش کینیگے 4، جسدیپ سنگھ 1، ہرمیت سنگھ 1، اسٹیون ٹیلر 0 اور کپتان مونانک پٹیل 0 رنز بنا کر آؤٹ ہوئے۔

نیدرلینڈز کی جانب سے ویوین کِنگما نے  3، پال وین میکران، آریان دت اور شارِز احمد نے 2، 2 جبکہ کائل کلین نے 1 وکٹ حاصل کی۔

اس سے قبل امریکا کی دعوت پر پہلے بیٹنگ کرتے ہوئے نیدرلینڈز نے 50 اوورز میں 7 وکٹوں کے نقصان پر 237 رنز اسکور کیے۔

نیدرلینڈز کی جانب سے کپتان اسکاٹ ایڈورڈز 65 رنز بنا کر نمایاں رہے۔ وکرمجیت سنگھ 59، میکس او ڈوڈ 49، شارِز احمد 16، مائیکل لیوِٹ 10، ویسلے باریسی 6 اور نوح کروس 4 رنز بنا کر آؤٹ ہوئے۔

کائل کلین 18 رنز بنا کر ناٹ آؤٹ پویلین لوٹے۔

امریکا کی جانب سے مِلند کمار نے 2 جبکہ اسٹیون ٹیلر، جسدیپ سنگھ اور جوانوئے ڈرائسڈیل نے 1، 1 وکٹ حاصل کی۔

The post کرکٹ ورلڈ کپ لیگ 2: نیدرلینڈز نے امریکا کو 19 رنز سے شکست دے دی appeared first on ایکسپریس اردو.

from ایکسپریس اردو » پاکستان https://ift.tt/kzYfynG