کراچی میں بارشوں سے نقصانات اور متعلقہ اداروں کی ناقص کارکردگی کے خلاف سندھ ہائی کورٹ میں درخواست دائر کردی گئی۔
درخواست گزار نے حکومت سندھ، کے ایم سی، ڈی ایم سیز اور کنٹونمنٹ بورڈز کو فریق بناتے ہوئے کہا کہ طوفانی بارش کے باوجود ادارے متحرک نہیں ہوئے، ان کا آپس میں کوئی رابطہ نہیں تھا جس کے باعث لوگوں کا زیادہ نقصان ہوا، ڈی ایم سی ساؤتھ اور کنٹونمنٹ کے جھگڑے کے باعث سندھ ہائی کورٹ میں کئی روز پانی کھڑا رہا اور درجنوں گاڑیاں ڈوبی رہیں۔
درخواست میں کہا گیا کہ اداروں کی ناقص کارکردگی کے باعث پورا شہر تالاب کی شکل اختیار کرگیا، بارشوں سے سڑکیں ٹوٹ پھوٹ گئیں، بارشوں کا پانی گلیوں اور گھروں سے اب تک نہیں نکالا جاسکا۔
درخواست گزار نے استدعا کی کہ عدالت عالیہ متعلقہ حکام کی ناقص کارکردگی کا نوٹس لے، شہریوں کے نقصان کا ازالا کرنے کا حکم دیا جائے اور ذمہ داروں کےخلاف کارروائی کی جائے۔
The post کراچی میں بارشوں سے نقصانات، اداروں کی ناقص کارکردگی کیخلاف درخواست دائر appeared first on ایکسپریس اردو.
from ایکسپریس اردو https://ift.tt/3juPJsG
No comments:
Post a Comment