دی ہنڈرڈ: برمنگھم فینکس کا اوول انونسیبلز کو جیت کے لیے 90 رنز کا ہدف

لندن: دی ہنڈرڈ کے افتتاحی میچ مین برمنگھم فینکس نے اوول انونسیبلز کو جیت کے لیے 90 رنز  کا ہدف دے دیا۔

اوول میں جاری دی ہنڈرڈ ایونٹ کے پہلے میچ میں برمنگھم فینکس کی ٹیم ٹاس جیت کر پہلے بیٹنگ کرتے ہوئے 81 گیندوں میں 89 رنز بنا کر آؤٹ ہوگئی۔

برمنگھم فینکس کی جانب سے رشی پٹیل 25 رنز بنا کر نمایاں رہے۔ بینی ہوویل 24، جیکب بیتھیل 22، شان ایبٹ 4، اینیورن ڈونلڈ 1، ڈین موسلے 1، معین علی 1، ٹام ہیم 1، لیام لِیونگسٹون 0، اور ایڈم ملن 0 رن بنا کر آؤٹ ہوئے۔

ٹِم ساؤتھی 1 رن بنا کر ناٹ آؤٹ رہے۔

اوول انونسیبلز کی جانب سے ایڈم زیمپا نے 20 گیندوں پر 11 رنز دے کر 3 وکٹیں حاصل کیں۔ محمد عامر نے 15 گیندوں پر 7 رنز دے کر 2، ول جیکس نے 10 گیندوں پر 8 رنز دے کر 2 جبکہ ثاقب محمود نے 15 گیندوں پر 25 رنز دے کر 2 کھلاڑیوں کو آؤٹ کیا۔ نیتھن سوٹر 16 گیندوں پر 21 رنز دے کر 1 کھلاڑی کو آؤٹ کیا۔

The post دی ہنڈرڈ: برمنگھم فینکس کا اوول انونسیبلز کو جیت کے لیے 90 رنز کا ہدف appeared first on ایکسپریس اردو.

from ایکسپریس اردو » پاکستان https://ift.tt/B1I7mFr