کراچی: بھارت نے عالمی جونیئر اسکواش چیمپین شپ میں برانز میڈل اپنے نام کر لیا۔
امریکا کے شہر ہیوسٹن سے موصولہ اطلاعات کے مطابق جاری چیمپین شپ کے بوائز انڈر 19 ایونٹ میں ٹاپ سیڈ مصر کے محمد ذکریا نے بھارت کے شوریہ باوا کو 0-3 سے شکست دے کر فائنل میں قدم رکھ دیا۔ شوریہ باوا ناکامی کے بعد برانز میڈل کے حقدار بنے۔
دوسرے سیمی فائنل میں کوریا کے جو ینگ نا نے ملائشیا کے ڈینیل ہیرتھ جیفری کو سخت مقابلے کے بعد 2-3سے ہرا دیا۔ ایونٹ میں یہ ان کا دوسرا اپ سیٹ تھا۔
قبل ازیں کوارٹر فائنل میں انہوں نے دفاعی چیمپین و سیڈ 2 پاکستان کے محمد حمزہ خان کو شکست دی تھی۔
گرلز انڈر 19 کا فائنل مصری کھلاڑیوں کے درمیان کھیلا جائے گا۔
سیمی فائنل میں ٹاپ سیڈ اور دفاعی چیمپین امینہ عارفی نے ہم وطن نادین الحمامے کو اور مصر ہی کی فیروز ابو الخیر نے امریکا کی کیرولین فورٹس کو 0-3سے شکست دی۔
The post عالمی جونیئر اسکواش چیمپین شپ: بھارت نے برانز میڈل جیت لیا appeared first on ایکسپریس اردو.
from ایکسپریس اردو » پاکستان https://ift.tt/JZEp2qs
No comments:
Post a Comment