پنجاب میں نیا بلدیاتی نظام یکم جنوری سے لاگو

 راولپنڈی: پنجاب بھرمیں نئے بلدیاتی نظام کے تحت 36 اضلاع میں ضلع کونسلیں کل منگل 31 دسمبر کی رات باضابطہ طور پر ختم ہو جائیں گی۔

ان 36 ضلع کونسلوں کی جگہ یکم جنوری 2020 سے 123 تحصیل کونسلیں باقاعدہ طور پر فعال ہوجائیں گی، ضلع کونسلوں کے تمام سرکاری اکاؤنٹس بھی منجمد کر دیے گئیے ہیں، جو یکم جنوری سے مستقل کلوز ہوجائیں گے جبکہ یکم جنوری سے تمام تحصیل کونسلوں کے نئے سرکاری اکاؤنٹ اوپن ہوجائیں گے۔

ضلع کونسلوں کے تمام اثاثے، گاڑیاں، موٹر سائیکل، فرنیچر، الماریاں، بلڈوزر، باؤزر، ٹریکٹرز، ائر کنڈیشنڈ، درجہ چہارم ملازمین، کلرکس، افسران تحصیل کونسلوں اور نئی بنائی جانے والی میونسپل کارپوریشنوں میں تقسیم ہوجائیں گے، ضلع کونسلوں کی سٹیشنری، لیٹر ہیڈ بھی ختم ہوجائیں گے، پنجاب بھر میں نیا بلدیاتی نظام یکم جنوری سے لاگو ہوجائے گا۔

The post پنجاب میں نیا بلدیاتی نظام یکم جنوری سے لاگو appeared first on ایکسپریس اردو.

from ایکسپریس اردو » پاکستان https://ift.tt/2SD5ZxS