کراچی؛ دو ملزمان کو گرفتار کرکے 2کلو گرام سے زائد کی منشیات برآمد

  کراچی: اینٹی وائلنٹ کرائم سیل کی پولیس پارٹی نے مواچھ گوٹھ پٹھان کالونی میں کارروائی کرتے ہوئے 2 منشیات فروشوں کے گرفتار کر کے 2 کلو گرام سے زائد کی منشیات برآمد کر لی۔

تفصیلات کے مطابق اینٹی وائلنٹ کرائم سیل کی پولیس پارٹی نے ہفتہ اور اتوار کی درمیانی شب کچی آبادی پٹھان کالونی غوثیہ ملز مواچھ گوٹھ میں کارروائی کرتے ہوئے 2 منشیات فروش ملزمان کو گرفتار کرلیا۔

ترجمان ایس ایس پی اے وی سی سی ذیشان شفیق کی جانب سے جاری کیے جانے والے اعلامیے کے مطابق گرفتار ملزمان کی شناخت احسان اللہ ولد تور خان اور اللہ رکھیو ولد محمد عالم کے ناموں سے کی گئی، گرفتار ملزمان سے 2 ہزار 275 گرام چرس بر آمد کی گئی۔

گرفتار ملزمان کے خلاف سی این ایس9 (I) ایس آر کے تحت تھانہ اے وی سی سی میں دو مقدمات درج کرلیے گئے، گرفتار ملزمان عادی جرائم پیشہ ہیں۔

The post کراچی؛ دو ملزمان کو گرفتار کرکے 2کلو گرام سے زائد کی منشیات برآمد appeared first on ایکسپریس اردو.

from ایکسپریس اردو » پاکستان https://ift.tt/kRGWzcn