کراچی: محکمہ صحت سندھ نے رواں سال نیگلیریا فولیری سے ہونے والی 10 ویں موت کی تصدیق کردی۔
تفصیلات کے مطابق نارتھ کراچی ضلع وسطی کا رہائشی 22 سالہ طالبعلم محمد ارسل بیگ نگلیریا سے جاں بحق ہوگیا، محمد ارسل کو 27 اکتوبر کو نجی اسپتال میں لایا گیا تھا۔
محمد ارسل کے پی سی آر ٹیسٹ میں نگلیریا مثبت آیا تھا، اہل خانہ کے اسرار پر علاقے سے پانی کے نمونوں کے حصول کے لیے ٹاؤن سرویلنس کوآرڈینیٹر کو مطلع کردیا گیا ہے۔
طبی ماہرین کے مطابق نیگلیریا فاؤلیری کی علامات میں سر درد، بخار، متلی، الٹی، گردن میں اکڑن، تبدیل شدہ ذہنی کیفیت اور دورے پڑنا شامل ہیں۔ نیگلیریا فاؤلیری دماغ کھانے والا امیبا ہے۔
اسے کلورین سے آسانی سے مارا جا سکتا ہے۔ شہری پانی کے ٹینکس میں کلورین ملائیں۔ جبکہ محکمہ صحت سندھ نے ہدایت کی کہ عوام سے نگلیریا سے بچاؤ کی احتیاطی تدابیر اختیار کریں۔ ماہرین کی جانب سے تجویز کردہ ہدایات کے مطابق پانی میں کلورین کی مقدار لازمی شامل کی جائے،اس سال نگلیریا سے ہلاکتوں کی تعداد 10 ہوگئی ہے۔
The post محکمہ صحت نے رواں سال نیگلیریا سے ہونے والی 10 ویں موت کی تصدیق کردی appeared first on ایکسپریس اردو.
from ایکسپریس اردو » پاکستان https://ift.tt/wsTVZxj
No comments:
Post a Comment