کراچی: ناظم آباد پولیس نے موٹر سائیکل لفٹنگ میں ملوث گینگ کے 3 کارندوں کو گرفتار کرلیا جس میں ایک کباڑیہ بھی شامل ہے۔
پولیس کے مطابق ملزمان کی شناخت کاشف کیانی عرف بھورا، وسیم عرف کالا اور کباڑیئے مجید کے نام سے کی گئی، گرفتار ملزم مجید کباڑیہ اسکریپ کا کام کرتا ہے جو کہ چوری کی موٹر سائیکلوں سے پارٹس کھول کر فروخت کر دیتا ہے۔
علاوہ ازیں پولیس نے چھاپے کے دوران ملزمان کے قبضے سے 5 مسروقہ موٹر سائیکلیں اور بڑی تعداد میں موٹر سائیکلوں کے اسپیئر پارٹس بھی برآمد کرلیے ہیں جبکہ گرفتار ملزم کاشف کیانی عادی جرائم پیشہ ہے جو کہ اس سے قبل حیدری اور جمشید کوارٹر پولیس کے ہاتھوں گرفتار ہو کر جیل بھی جا چکا ہے۔
پولیس گرفتار ملزمان سے چوری کی جانے والی موٹر سائیکلوں اور ان کے پارٹس فروخت کرنے کے حوالے سے مزید معلومات حاصل کر رہی ہے۔
The post موٹر سائیکل لفٹنگ میں ملوث گینگ کے 3 کارندے گرفتار appeared first on ایکسپریس اردو.
from ایکسپریس اردو » پاکستان https://ift.tt/3JYZFOp
No comments:
Post a Comment