جوہی چاولہ کی کراچی آمد، ’جوانی پھر نہیں آنی 2‘ پر خوبصورت تبصرہ

کراچی: بالی ووڈ کی مقبول ترین اداکارہ جوہی چاولہ ان دنوں شہر قائد میں موجود ہیں۔

نامور بالی ووڈ اداکارہ جوہی چاؤلہ کراچی میں موجود ہیں۔ انہوں نے کراچی آمد سے متعلق اپنے ٹوئٹر اکاؤنٹ پر لکھا کہ ’’اس وقت کراچی میں موجود ہوں اور اپنے دوستوں اور گھروالوں کے ساتھ بوٹ کلب پر لنچ کرنے آئی ہوں، اس کے بعد ہم فلم دیکھنے جائیں گے۔‘‘

جوہی چاؤلہ نے بتایا کہ وہ اپنے دوستوں اور گھر والوں کے ساتھ حال ہی میں ریلیز ہوئی فلم ’جوانی پھرنہیں آنی2‘ دیکھنے سینما جائیں گی۔ اتفاق سے یہ فلم پاکستانی لڑکے اور بھارتی لڑکی کے درمیان محبت کی کہانی کے گرد گھومتی ہے۔

In Karachi, out for lunch to the Boat Club with family friends… and then to the movies …a delightful Pakistani romcom 'Jawani Phir Nahin Ani' … which coincidentally had a full Indian girl/ Pakistani boy love story 🤩🤩 pic.twitter.com/UtNHyCbIhf

— Juhi Chawla (@iam_juhi) August 31, 2018

واضح رہے کہ یہ پہلی بار نہیں کہ جوہی چاؤلہ پاکستان کے شہر کراچی آئی ہیں بلکہ اس سے قبل بھی وہ کئی بار پاکستان خصوصاً کراچی کا دورہ کرچکی ہیں۔ آخری بار جوہی چاؤلہ 2016 میں  اپنے رشتے داروں کی شادی میں شرکت کے لیے آئی تھیں۔

The post جوہی چاولہ کی کراچی آمد، ’جوانی پھر نہیں آنی 2‘ پر خوبصورت تبصرہ appeared first on ایکسپریس اردو.

from ایکسپریس اردو https://ift.tt/2NB1wX3