لاہور: مغل پورہ میں خوفناک ٹریفک حادثے میں 3 نوجوان جاں بحق ہوگئے۔
ایکسپریس نیوز کے مطابق لاہور کے علاقہ مغل پورہ میں خوفناک ٹریفک حادثے میں 3 نوجوان جاں بحق ہوگئے، جاں بحق نوجوانوں کی عمریں 18 سے 20 سال ہیں، جاں بحق نوجوان میں سے 2 مزنگ اور 1 انار کلی کا رہائشی ہے جب کہ ان میں سے ایک کی شناخت فیضان کے نام سے ہوئی۔
پولیس کے مطابق تینوں موٹر سائیکل سوار نوجوان مغل پورہ پل کی طرف جا رہے تھے کہ سامنے سے آنے والی سریوں سے بھرے ٹریکٹر ٹرالی سے تصادم ہوا اور اس کے نیچے آنے سے موقع پر ہی جاں بحق ہو گئے، پولیس نے لعشیں ایدھی ایمبولینس کے ذریعے مردہ خانہ منتقل کر دیں۔
پولیس ایس ایچ او مغل پورہ سمیت پولیس کی بھاری نفری موقع پر پہنچ گئی تاہم حادثے کے بعد ٹریکٹر ٹرالی ڈرائیور موقع سے فرار ہوگیا، پولیس نے ٹریکٹر ٹرالی کو قبضہ میں لے کر تھانہ منتقل کر دیا۔
The post لاہور میں خوفناک ٹریفک حادثہ؛ 3 نوجوان جاں بحق appeared first on ایکسپریس اردو.
from ایکسپریس اردو » پاکستان https://ift.tt/3Rf2DCd
No comments:
Post a Comment