کوئٹہ: تحریک عدم اعتماد کے معاملے پر بلوچستان عوامی پارٹی کے چار ارکان قومی اسمبلی کی طرف سے اپوزیشن کی حمایت کے بعد وفاقی حکومت نے بھی اپنا لائحہ عمل تیار کرتے ہوئے دو کی واپسی کے لیے کوششیں تیز کردیں۔
ایکسپریس نیوز کو ذرائع سے ملنے والی اطلاع کے مطابق وفاقی حکومت نے چار میں سے دو اراکین کو واپس لانے کے لئے رابطے تیز کردیئے اور امکان ظاہر کیا کہ پانچ میں سے تین ارکان کی حمایت حکومت کو مل سکتی ہے جبکہ حکومتی اراکین کو دو کا پختہ یقین ہے۔
ذرائع کے مطابق ڈپٹی اسپیکر قومی اسمبلی قاسم سوری کی گزشتہ رات بی اے پی کے رکن قومی اسمبلی اسرار خان ترین سے سمیت دیگر سے ملاقات ہوئی جس میں انہوں نے حکومت کا ساتھ دینے کا اشارہ دیا۔
دوسری جانب بی اے پی کی خاتون رکن اسمبلی روبینہ عرفان بھی حکومتی وزرا کے رابطوں میں آگئی ہیں۔
واضح رہے کہ اسرارترین اور روبینہ عرفان نے گزشتہ روز بلوچستان عوامی پارٹی کے سینئر رہنما خالد مگسی کے ہمراہ اپوزیشن قیادت کے ساتھ پریس کانفرنس کی اور حکومت سے اتحاد ختم کرنے کا اعلان کیا تھا۔
The post وفاقی حکومت نے بلوچستان عوامی پارٹی کے دو اراکین کی واپسی کا لائحہ عمل تیار کرلیا appeared first on ایکسپریس اردو.
from ایکسپریس اردو » پاکستان https://ift.tt/FhTY8aw
No comments:
Post a Comment