ق لیگ نے اپنا فیصلہ کیا انہیں پتا لگ جائے گا سیاست کیا ہوتی ہے،شاہد خاقان عباسی

 اسلام آباد: پاکستان مسلم لیگ (ن)  کے رہنما شاہد خاقان عباسی کا کہنا ہے کہ ق لیگ نےاپنا فیصلہ کیا انہیں پتا لگ جائے گا سیاست کیا ہوتی ہے۔

اسلام آباد میں میڈیا سے گفتگو کرتے ہوئے (ن) لیگ کے رہنما شاہد خاقان عباسی نے کہا کہ ق لیگ نے اپنا فیصلہ کرلیا انہیں پتا لگ جائے گا کہ سیاست کیا ہوتی ہے۔ یکم سے 4اپریل تک ووٹنگ ہوگی اورحکومت سے نجات ملے گی۔

شاہد خاقان عباسی کا کہنا تھا کہ سرپرائزعمران کونہیں بزدارکوملا۔ جووزیراعلی بہترین تھا اسے ہٹا دیا گیا جبکہ اپنی جماعت کے 11 ارکان بھی قربان کردئیے۔

انہوں نے مزید کہا کہ عمران نیازی کے پاس کچھ کہنے کونہیں تھا توصرف کاغذ لہرادیا۔وزیراعظم کودھمکی آمیز خط پارلیمنٹ میں لانا چاہئیے۔ جب سےتحریک عدم اعتماد کاپراسیس شروع ہوا ہےکہیں سے کوئی کال نہیں آئی۔

شاہد خاقان عباسی نے کہا کہ عمران خان کے پاس چند باقی ہیں ہم کوئی نیا کرپشن کا کیس بنانا چاہتے ہیں تو بنا لیں۔ حکومت کی کرپشن کے کیسز سینکڑوں ارب کے اندر ہیں۔ان کوحساب دینا ہوگا۔ کھلا چیلنج ہے مسلم لیگ (ن ) کے خلاف جو کیس بنائے وہ عوام کے سامنے رکھیں۔

The post ق لیگ نے اپنا فیصلہ کیا انہیں پتا لگ جائے گا سیاست کیا ہوتی ہے،شاہد خاقان عباسی appeared first on ایکسپریس اردو.

from ایکسپریس اردو » پاکستان https://ift.tt/omPJzgT