عالمی اور مقامی مارکیٹ میں سونے کی قیمت میں اضافہ

  کراچی: عالمی مارکیٹ میں اضافے کے باعث پاکستان میں بھی سونے کی فی تولہ اور دس گرام قیمتوں میں اضافہ ریکارڈ کیا گیا ہے۔

بین الاقوامی بلین مارکیٹ میں فی اونس سونے کی قیمت 11 ڈالر کے اضافے سے 1931 ڈالر کی سطح پر آگئی جس کے باعث کاروباری ہفتے کے پہلے روز مقامی صرافہ مارکیٹوں میں فی تولہ اور دس گرام سونے کی قیمتوں میں بالترتیب 800 روپے اور 685 روپے کا اضافہ ریکارڈ کیا گیا۔

کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 215300 روپے اور اسی طرح فی دس گرام سونے کی قیمت بھی بڑھ کر 184585 روپے ہوگئی۔

The post عالمی اور مقامی مارکیٹ میں سونے کی قیمت میں اضافہ appeared first on ایکسپریس اردو.

from ایکسپریس اردو » پاکستان https://ift.tt/UCZiwXd