کورونا سے مزید 2فراد انتقال کرگئے،مثبت کیسز675 ہوگئے

 اسلام آباد: گزشتہ 24 گھنٹوں کے دوران کورونا کے مزید 2مریض انتقال کرگئے۔ کورونا کے مثبت کیسز کی شرح چاراعشاریہ چھ ایک فیصد ہوگئی۔

قومی ادارہ صحت (این آئی ایچ ) کے مطابق گزشتہ چوبیس گھنٹوں کے دوران کورونا سے متاثر دوافراد انتقال کرگئے۔ کورونا کے153 مریضوں کی  حالت تشویشناک ہے۔

COVID-19 Statistics 04 July 2022
Total Tests in Last 24 Hours: 14,632
Positive Cases: 675
Positivity %: 4.61%
Deaths: 02
Patients on Critical Care: 153

— NIH Pakistan (@NIH_Pakistan) July 4, 2022

گزشتہ چوبیس گھنٹوں میں ملک بھر میں 14 ہزار632کورونا ٹیسٹ کئےگئے جس میں 675کا کورونا ٹیسٹ مثبت آیا۔ملک میں کورونا کے مثبت کیسز کی شرح 4.61 فیصد ریکارڈ کی گئی۔

این سی او سی حکام کے مطابق ملک بھر میں یومیہ رپورٹ ہونے والے کورونا کیسزمیں سب سے زیادہ سندھ میں رپورٹ ہوئے۔ سندھ میں گزشتہ 24 گھنٹوں کے دوران 508 افراد میں کورونا کی تشخیص ہوئی جبکہ مثبت کیسز  کی مجموعی  شرح 10.53  فیصد تک پہنچ گئی۔

حکام نے مزید بتایا کہ کراچی میں کورونا مثبت کیسز کی شرح 20.61  فیصد ریکارڈ کی گئی۔

پنجاب سمیت ملک کے دیگر صوبوں  میں بھی کورونا مثبت کیسز کی مجموعی شرح اضافے کا رحجان ریکارڈ کیا گیا۔

اسلام آباد میں کورونا کیسز کی شرح 3.48  فیصد، لاہور میں کورونا مثبت کیسز کی شرح 3.29  فیصد، فیصل آباد میں کورونا مثبت کیسز کی شرح 1.52 فیصد ریکارڈ کی گئی۔ کوئٹہ میں کورونا مثبت کیسز کی شرح 2.71، مردان میں 2.21 اورمیرپور آزاد کشمیرمیں 2.44 فیصد ریکارڈ کی گئی۔

 

 

The post کورونا سے مزید 2فراد انتقال کرگئے،مثبت کیسز675 ہوگئے appeared first on ایکسپریس اردو.

from ایکسپریس اردو » پاکستان https://ift.tt/NaV5JkK