پشاور میں دہشت گردوں کے بڑے حملے کے خدشے کے پیش نظر انتظامیہ نے الرٹ جاری کردیا۔
ایکسپریس نیوز کے مطابق ایس ایس پی انٹیلی جنس اینڈ سرویلنس انسداد دہشت گردی نے آئی جی پولیس خیبر پختون خوا کو خط لکھا ہے جس میں بتایا گیا ہے کہ پشاور میں دہشت گردوں کا پولیس وردیوں میں حملے کا خدشہ ہے، پولیس کو ٹارگٹ بنانے کے لیے دہشت گردوں نے 80،90 پولیس وردیاں بھی خریدی ہیں۔
اس ضمن میں سی ٹی ڈی نے ممکنہ حملے کے حوالے سے تھرٹ الرٹ جاری کردیا ہے جس میں سیکیورٹی کو مزید سخت بنانے کے اقدامات کی ہدایت کی گئی ہے۔
اہم مقامات میں آمد و رفت کے حوالے سے دفعہ 144 نافذ
دریں اثنا حملے کے خدشے کے سبب اہم مقامات میں آمد و رفت کے حوالے سے دفعہ 144 نافذ کرد گئی جس کا اعلامیہ جاری کردیا گیا۔ ضلع انتظامیہ کے مطابق اہم مقامات کے اطراف اور جانے والے راستوں پر دفعہ 144 نافذ ہوگی، سی ایم ہاؤس، گورنر ہاؤس، پالیس لائنز، سینٹرل پولیس آفس پشاور جیل جانے والے راستے پر سخت نگرانی کی جائے گی، ان مقامات پر 60 روز کے لیے دفعہ 144 نافذ رہے گی۔
The post پشاور میں دہشت گردوں کا پولیس وردیوں میں بڑے حملے کا خدشہ، دفعہ 144 نافذ appeared first on ایکسپریس اردو.
from ایکسپریس اردو » پاکستان https://ift.tt/Ba0etdj
No comments:
Post a Comment